Transcription
1
Reçue le 03 janvier 1574.
2
De par le roy
3
A tous gouverneurs de noz provinces, lieutenantz
4
generaulx en icelles, bailliz, senechaulx, prevostz, juges ou
5
leurs lieutenans et à tous noz aultres justiciers et officiers
6
et subiectz et à chacun deulx si comme à luy appartiendra,
7
salut. Ayant advisé et ordonné denvoyer en notre pays
8
de Provence la compagnie de notre aymé et feal cosin
9
le sieur marechal de Retz, gouverneur et notre lieutenant general
10
audit peys et admiral de Levant qui est de present
11
en [espace blanc] pour faire monstre en icelluy
12
pays de Provence et y tenir garnison, et desirant que
13
suyvant l’ordre et reglement par nous dernierement
14
faict pour le regard des gentz de guerre allans par les
15
champtz pour notre service et à vous nosdits gouverneurs et
16
lieutenans generaulx envoye ladite compagnie se puisse
17
promptement acheminer audit pays de Provence par le plus
18
droict chemin et aux meilleures plus rayzonnables
19
journées et à la moindre folle et charge de noz subiectz
20
que sera possible, nous vollons pour ces causes et
21
vous mandons que vous ayés chacung en lestendue de
22
vosditz gouvernement et destroictz à faire conduyre
23
ladite compagnie et à icelle faire administrer les vivres
24
dont elle aura besoing, ainsi que vous avons escript
25
par ledit reglement, faizant en sorte que nosditz subiectz
26
nen puissent estre follez, ne travaillez sellon que saurez
27
telle estre notre intention. Donné à Vitri le François
28
soubz le sel de noz armes, le premier jour de novembre
29
mil cinq centz soixante trèze Ainsi signé Charles
30
et audessoubz Pinart
31
destinataires : gouverneurs et lieutenants généraux des provinces